Samstag Fria Rag

1.Jeden Samstag in da Fria soide eikaffa geh,

des hoite nimma aus

Ewig lang in de scheiß Gschäfte rumsteh,

des is für mi a Graus

I lig no gmiatlich in meim Bett und tram grod sche,

da schreit mei Oide scho, mogst net endlich moi aufsteh.

jeden Samstag in da Fria soid I eikaffa fahrn-

Jedsmoi da selbe Schmarrn, oh Mann,

I glab i brich glei zam.

2.Wia jeden Samstag fahre dann eine ind Stod

und suach a hoibe Stund

Wia jeden Samstag weil i koan Parkplatz hab,

dann drah I wieder um

irgendwo außerhoib do bleib i dann steh

Ja da kone ja von dahoam glei z`Fuaß hergeh

Und bis I dann amoi im Gschäft drin steh

do doan ma d`Fiass scho weh, vom geh,

nächstmoi gehst du Oide

Solo 1

3.Wia jeden Samstog hob I a Listn dabei,

da hats zum schreibn scho a hoibe Stund braucht

Do muas i aufpassn, dass i nix vergiß,

sonst wär i zamagstaucht

Beim Bäcker steh steh i o, beim Metzger sowieso

an da Kassn a riesn Schlang und mi druckt de Blasn scho,

Kaum wart i 20 Minutn, ja dann bin i ascho dro und

dann renn i schnei aufs Klo, mei bin i froh,

iats steht`s scho richtig o.

Solo 2

4.Mit 3 Tütn in a jeda Hand latsch I zum Auto zruck,

auf a moi foits ma ei

a boor Bleme hätt i mit bringa soin,

de habe net dabei,

I deng beim hoamfahrn bleibi bei na Wiesn steh,

da schneidi a Paar ab, de han genauso sche,

weil scheißt mi mei Oide zam, des tuat ma net so weh,

wia wenn i nuamoi zruckgeh, ja ja,

so a Samstag is doch sche!